Red Purple Black

گۆڕان ڕاستییە یان پیلان؟؟ … جەمال فەتاح

PDFPrintE-mail

 لەماوەی ڕابردودا نەوشیروان مستەفا بەناوی ئەوەی کە بریارەکانی سەرکردایەتی یەکێتی وبەتایبەتی شەخسی مام جەلالی بەدڵنییە بەتایبەتی لەڕوی ڕێکەوتنی ستراتیژی لەگەل پارتی دەستی لەکارکێشایەوەودەست لەکار کێشانەوەکەشی لەبەغد دایەدەستی بەڕێزمام جەلال وئەویش هەر یەکسەر ڕەزامەندی لەسەر ئیستعفاکەی نەوشیروان دەربڕی، هەرپاش ئەوە نەوشیروان لەسلێمانی داوای ئەوەی کرد کە ئەیەوێت دەسگایەکی ڕاگەیاندن دامەزرێنێت بۆئەومەبەستەش داوای یارمەتی ومۆڵەتی لە یەکێتی و مام جەلال کردمام جەلال بۆ ئەمەشیان ڕازی بوو وەدەستوری بۆدەرکردو بڕی دەملیۆن دۆلاری ئەمریکیشی پێشکەش بەنەوشیروانکرد؟! بۆدامەزراندنی دەسگای ڕاگەیاندنەکەی بەوپاریە نەوشیروان مستەفا کومپانیای (وشە)ی دامەزراند، پاش ئەوەش هەرچەند زیاتر پارتی ویەکێتی لەیەك نزیك بوونایەتەوە نەوشیروان مستەفا ئەوەندەیترلەیەکێتی دادەبڕایان دوردەکەوتەوە، بۆیە پاشان ئەگەر بۆتاکتیکیش بێت بەیەك جاری بڕیاریدا کە لەیەکێتی جیاببێتەوە ولەگەل هاوکارەکانیتریدا بزوتنەوەی گۆڕانیان دامەزراند، تائێرە یەکێتی وگۆڕان ونەوشیروان مستەفا مافی سروشتی خۆیانەو ئازادن لە هەر بڕیاروئاکارێك کەداویانە، لەهەڵبژاردنی نزیکی سێ ساڵی ڕابوردوی پەرلەمانی کوردستاندا گۆڕان بەتەنیا خۆیان هەڵبژاردو لیستی سەر بەخۆی خۆیان هەبو یەکێتی وپارتیش بەیەك لیست بەناوی لیستی کوردستانی بەشداری هەڵبژاردنیان کرد، دیارە دەبێت ئەوەمان لەبیر نەچێت ئەندامان ولایەنگرانی یەکێتی وگۆڕان هەتا لە ئاستی باڵاشدا تێکەڵ وبەناویەکتردا چون وبەئەستەمیش لەیەك جیا ناکرێنەوە، واتە بەشی زۆری ئەندامانی گۆڕان لەناوڕیزەکانی یەکێتی نیشتمانی کوردستاندان تاکوئێستاش بەشی زۆریان موچەخۆری یەکێتی نیشتمانی کوردستانن، ئەمەش وایکرد کاتی دەنگدان مادام یەکێتی لەلایەن پارتییەوە مسۆگەر بوو ئیتر بەشی زۆری ئەندامانی یەکێتیش دەنگەکانی خۆیان دابە لیستی گۆڕان، هەربۆیە پارتی ویەکێتی نزیکی ٥٩ کورسی پەڕلەمانی کوردستانیان هێناو گۆڕانیش بەتەنها ٢٥ کورسی هێنا، هەر لەسەرەتاوە زانرا کە بەشی زۆری یەکێتییەکانیش دەنگیان بەگۆڕان داوە دەنا چۆن دەکرێت کومپانیایەکی تازە دروست کراوی وەک کومپانیای وشە ٢٥ کورسی بێنێت؟گەر لەیەکێتی جیایەو نەوشیروان مستەفا دەستی لەکاری یەکێتی ولەیەکێتی کێشاوەتەوە؟!.

   هەمومان ئەزانین کە لەساڵی ١٩٧٨ بەدواوە تاکوئێستا چەن باڵ لەیەکێتی نیشتمانی کوردستان جیا بووەتەوە وەك باڵی حزبی سۆشیالست باڵی ڕەسوڵ مامەند باڵی قادر عەزیز یان زەحمەت کێشان باڵی ئاڵای شۆڕش وباڵی گۆڕان بەڵام ئەو باڵانە هەندێکیان هەرلەسەرەتاوە لەلایەن خودی یەکێتییەوە پوچەڵ کرانەوەو ئەوانەشیان کە نەکرا بتوێنرێنەوە تاکوئێستا نەیان توانیوە ٣کورسی پەرلەمان بەدەست بێنن لەخولەکانی هەڵبژاردنی پەرلەمانی کوردستاندا هەر یەك کورسی یان دوکورسیان هەبووە زۆرجاریش وەك یارمەتی لەلایەن پارتی ویەکێتییەوە پێیان دراوەبۆبەشداری کردن لە پەرلەمانی کوردستاندا، بەڵام خێر بوو کومپانیای وشە لەماوەیەکی کەم لە بەناو جیابوونەوەیان لە یەکێتی توانیان لەهەڵبژاردنی پەرلەماندا ٢٥ کورسی بەدەست بێنن؟؟!ئەوەش سەلماندنی ئەو ڕاستییەیە کە یەکێتییەکان بەشی زۆریان دەنگیان بەلیستی گۆڕان داوە، لەبەر ئەوەی کە یەکێتی لەلایەن پارتییەوە مسۆگەر کرابوو؟!،

 ئێستاش کاتێك کە بڕیارە هەرلایەنێك بەجیا خۆیان بپاڵێون بۆ هەڵبژاردنی پارێزگاکان ئەوەدیارە نەیەکێتی ونەگۆڕان بەتەنها ناتوانن لەهەڵبژاردنەکەدا براوەبن بۆیە ناچاردەبن ئەم جارە بەئاشکرا یەكبگرنەوە، هەربۆیەش مام جەلال ونەوشیروان پەیوەندی تەلەفونیان ئەنجامداوەو پاشان دانیشتنیش ئەنجام دەدەن؟!، ئەمەش هەڵبژاردنەکانی پەرلەمانی ئێراق ئەوەی بۆگشت لایەك ئاشکراکرد کە پارتی دیموکراتی کوردستان زۆرینەیە لەکوردستاندا بەجۆرێك کە هەمو هێزەسیاسییەکانی سەر گۆڕەپانی باشوری کوردستان بەئیسلامی وعلمانییەوە هەمویان پێکەوە نەیان توانیوە بەقەد پارتی کورسی لە پەرلەمانی ئێراقدا بەدەست بێنن بەجۆرێك جیاوازی گشت لایەنەکان وپارتی بەتەنها زۆرزۆرە، هەرئەمش وایکرد کە هەم گۆڕان وهەم یەکێتی بیر لە ئەنتەرناتیڤی تر بکەنەوە..

جەمال فەتاح

٢٦/١٢/٢٠١١


 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانن، کوردستان نێت لێیان به‌رپرسیار نییه‌.