Red Purple Black

میوانی ناوه‌خته‌ … به‌ندی عه‌لی.. 2011

PDFPrintE-mail

ئه‌و چه‌پکه‌ دڕکی نه‌فره‌تمان بۆ ئه‌هێنێ کاتێ که‌دێ

ئه‌م فه‌رشی مێخه‌کی سووری بۆ ڕائه‌خا به‌دووریی ڕێ

ئه‌و به‌ئه‌سپی گه‌رده‌لوول دێ قامچیی غه‌دری له‌ده‌ستایه

ئه‌م باوه‌شی موحیبه‌ت و ئولفه‌تی بۆ ئاوه‌ڵایه

ئه‌و خه‌ریکی هه‌ڵکه‌نینی چاڵی ته‌نگی په‌نگه‌ له‌بۆی

ئه‌م به‌ئه‌نقه‌ست تێی ئه‌که‌وێ خۆبه‌خشانه‌و به‌ویستی خۆی

ئه‌و له‌سه‌ر لاکی میراتی، حاشا ئه‌کا له‌باوانی

ئه‌م به‌ئه‌هلی خێرو چاکه‌ی وه‌سفه‌کا وه‌ختی میوانی

ئه‌و ئه‌مپه‌ڕو ئه‌وپه‌ڕی ماڵ به‌حه‌ڵاڵی خۆی ئه‌زانێ

ئه‌م ئه‌و قوژبنه‌ی هه‌شمانه‌ له‌لای زۆره‌و ئه‌ڵێ هانێ

ئه‌و به‌گریه‌و ئاهی ئێمه‌ تریقه‌ی دێ و خؤش مه‌زاجه

ئه‌م له‌خاترجه‌م خه‌می ئه‌و حه‌سره‌تی خۆی لا هه‌راجه

ئه‌و مشاره‌و لق و چڵمان به‌خونچه‌وه‌ ئه‌بڕێته‌وه

هه‌نگه‌ به‌خشنده‌که‌ی ئه‌میش به‌سه‌ر سه‌ریا ئه‌خولێه‌وه

ئه‌و بۆ زامی سه‌ختی دڵمان قومێ تێزاب، مشتێ خوێیه

ئه‌م بۆ ئاخێکی ناخی ئه‌و دڵی عه‌مباری پڕ سوێیه

ئه‌ی ڕه‌قیبان ته‌ماشاکه‌ن ته‌رازووی ئه‌م گه‌وره‌ ماڵه

به‌ده‌ست میرخاسه‌کانه‌وه‌، به‌موو فه‌رقی تیا مه‌حاڵه


ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانن، کوردستان نێت لێیان به‌رپرسیار نییه‌.