Red Purple Black

بەیاننامەی ئەنجومەنی باڵای پێشمەرگە دێرینەکانی حزبی شیوعی کوردستان سەبارەت بە ڕووداوەکەی کوردستانی باکور

PDFPrintE-mail

ئێمە لە ئەنجومەنی باڵای پێشمەرگە دێرینەکانی حزبی شیوعی کوردستان بۆردومانی فرۆکە جەنگییەکانی سوپای تورکیا بۆ سەر هاووڵاتیانی سڤیل، لە سنوری هەرێمی کوردستان لە نزیک شاری شەرناخ سەرکۆنەو نەحکوم دەکەین، داوا لە ڕای گشتی و کوردستانیان دەکەین لە هەر شوێنێکن دەنگ هەڵبڕن بەرامبەر بە ئەم کارە نامرۆڤانەیەی ڕژێمی تورکیا.

کاتێک فڕۆکە جەنگییەکانی تورکیا 40 هاووڵاتی کوردی باکوری کوردستان کە شەهید دەکەن، بەو کارە قێزەونەیان سەلماندیان کە حکومەتەکەی ئەردۆگان و حزبەکەی و سوپاکەیان نەک هەر دژ بە میلەتی کوردن، بەڵکو تارماییەکی تری سیستەمێکی فاشیزمن لەسەر ئێسک و پروسکی گەلانی ناوچەکە.

 بۆیە داوا لە ڕای و ڕێکخراوەکانی کۆمەڵگەی مەدەنی و ڕێکخراوەکانی مافی مرۆڤ و حزبەکان دەکەین لە ئاست ئەم تاوانە بێدەنگ نەبن و تاوانباران بدرێنە دادگای نێودەوڵەتی.

 ئێمە لە کاتێکدا بە توندی ئەم کارەی ڕژێمی تورکیا ڕیسوا دەکەین، هەروەها پرسە و سەرەخۆشی خۆمان ئاڕاستەی هەموو گەلی کورد و بنەماڵەی شەهیدانی ئەم کارەساتە دەکەین جارێکی تر داوا لە ڕای گشتی دەکەین لە کوردستان دەنگ هەڵبڕن .

هەزار سڵاو لە گیانی پاکی شەهیدانی بزوتنەوەی ئازادی خوازی گەلی کوردستان و شەهیدانی سڤیلی ڕووداوەکەی نزیک شاری شەرناخ

ئەنجومەنی باڵای پێشمەرگە دێرینەکانی حزبی شیوعی کوردستان

30/12/2011