دلَؤث ... ديار بنديان

 

دڵۆپ خۆ من ده‌مزانی

له‌یه‌که‌م ڕۆژی له‌ دایک بوونت

کورته‌ ته‌مه‌نت...

به‌ڵێ ئه‌مزانی که‌ی دواهه‌مین کاتته‌

له‌ وه‌ته‌ی له‌ منداڵدانی ئاسمان که‌وتیه‌ خوارێ

له‌سه‌ر بێشکه‌ی گه‌ڵاکانم په‌روه‌رده‌بووی!

دڵۆپ، خۆ من له‌ تۆ ده‌گه‌م

ده‌بێ چ هه‌بێ له‌ دڵۆپێ ئاو ڕوونتر بێ

خۆ من ڕۆژانه‌ ده‌تخۆمه‌وه‌

زیاتر له‌ نیوه‌ی له‌شی منی

من به‌ تۆوه‌ ڕه‌نگی سرووشتیم نیشان ئه‌ده‌م

من به‌ تۆوه‌ ئه‌ژیم

به‌ڵام ژیانی دڵۆپه‌ ئاوێ له‌سه‌ر گه‌ڵایێ

ده‌بێ چه‌ند بێ....

ده‌بێ چه‌ند بێ.....