25-02-2008 18:30

 

 

 

كه‌ركوكی دڵی كوردستان.....  ئه‌حمه‌د ده‌شتی

 

دیسان دوژمنانی كوردستان خه‌ریكن كه‌ گه‌لی كورد به خاك و خوون بكێشنه‌وه‌، ده‌نگه‌ چه‌په‌ڵه‌كانی دوێنی كه‌ كوردستانیان به ناوی دینه‌وه‌ ئه‌نفال ده‌كردو به‌سه‌دان هه‌زار گوندی كورده‌واریان به‌ خاك یه‌كسان كردو له‌ خانه‌قینه‌وه‌ هه‌تا سنجار خه‌لكی كوردیان ده‌ربه‌ده‌ر و ئاواره‌ كرد و به‌سه‌دان هه‌زار كوردیان زینده‌به‌چاڵ كردو شاری كه‌ركوكی دڵی كوردستانیان ته‌عریب كردو و هه‌رچی كه‌ له‌ ده‌ستیان هات و بۆیان لوا ئه‌وا دژ به‌ گه‌لی كوردیان ئه‌نجام داو هه‌شت هه‌زار بارزانیان زینده‌به‌چال و له‌ ناو كارخانه‌‌كانی دروست كردنی چه‌كی كۆمه‌ڵكوژیان بۆ تاقی كردنه‌وه‌ی چه‌كه‌ مرۆ كوژیه‌كانیان به‌كار هێنا و له‌ ناویان بردن و هاتن بڕیاری جینۆ سایدی كوردیان داو دڕندانه‌په‌لاماری شاری هه‌له‌بجه‌یان داو به‌ گازی خه‌رده‌ل و سیانید و سارینیان نامرۆڤانه‌ دژ به‌ هه‌موو یاسایه‌كی قه‌ده‌غه‌كراوی جیهانیان ئه‌م شاره‌كورده‌یان ته‌نیا له‌ به‌ر ئه‌وه‌ی كه‌ شارێكی كوردیه‌ هێناو به‌ چه‌ند بۆمبایه‌كی كیمیایییان شاری هه‌له‌بجه‌یان شه‌هید كرد و له‌ ماوه‌ی چه‌ند خوله‌كێك دا پێنج هه‌زار مرۆی بێ تاوانیان له ژن و منداڵ و پیر و لاوانی كوردیان شه‌هید كرد و دڕنده‌یی و مرۆ كوژی خۆیان به‌ ته‌وای جیهانیان ڕاگه‌یاند، دیشمان كه ئه‌و مرۆ كوژانه ئاكامه‌كانیان به‌چی‌ گه‌یشت و چۆن له‌ به‌ر چاوی هه‌موو جیهانیان ڕیسوا و سوك و چرووك بوون و سه‌دامی دكتاتۆر و مرۆ كوژه‌كه‌ی به‌غدا به‌ چی گه‌یشت و ئه‌مڕۆ وا چاوه‌ڕوانی دادگایی كردن و كه‌وتنه ‌به‌ر یاسای دادپه‌روه‌ری و لێ پرسینه‌وه‌ له‌و هه‌موو جنایه‌تانه‌ی كه‌ دژ به‌ مرۆڤی كورد و هه‌موو خه‌لكی هه‌ژار و مێ تاونی عێراقیش ئه‌نجامی داوه‌ ده‌كات.

 به‌ڵێ چاره‌نوسی هه‌موو دكتاتۆرو دوژمنانی گه‌لانی جیهان هه‌ر ئه‌وایه‌ و ڕۆژی هه‌ر دێت كه‌ بكه‌ونه‌به‌ر چه‌قۆی دادپه‌روه‌ریه‌وه‌ و ره‌زێل و سوك و چروك ببن و ناویان بكه‌وێته‌ زبلدانی مێژووه‌وه‌، جا هه‌موو ئه‌وانه‌ی كه‌ به‌نیازی ده‌روون گلاویانه‌وه‌‌ كه‌ ده‌یانه‌وێ گالته‌ به‌ چارهن‌وسی گه‌لانی به‌شخوراوی وه‌ك گه‌لی كورد بكه‌ن و له‌ رێبازی ئه‌و دكتاتۆر و مرۆ كوژانه‌ هه‌نگاو داوێن و یان سیخوری و خیانه‌ت و نۆكه‌ری بێگانه‌ ده‌كه‌ن و دژ به‌ گه‌ل و نیشتمان هه‌نگاو داوێن و لێیان ده‌گۆرێ و چاره‌نوسیان له‌ چاره‌نوسی سه‌دام قه‌ت باشتر نابێت و رۆژێكیش هه‌ر دێت كه‌ به‌ر شه‌قی ڕۆژگار بكه‌ون و به‌ هه‌زاران تف و نه‌فریناین بۆ بچێت و له‌به‌ر چاوی خه‌لك دا ڕیسواو شه‌رمه‌زار ببن.

 ده‌بینین و ده‌بیستین كه‌ له‌ دوای ساڵه‌ها ساڵی داگیر كردن و ته‌عریب كردن و ئاواره‌كردنی ته‌واهی خه‌لكی كورد و بهه تایبه‌تی كوردی شاری كه‌ركوك و ئه‌و هه‌موو جنایه‌تانه‌ی كه‌ به‌رامبه‌ر خه‌لكی شاری كه‌ركوك به‌ تایبه‌تی و ته‌واوی خه‌لكی كوردستان به‌ گشتی ئه‌نجام درا و ویژدانی هه‌موو مرۆڤێكی مرۆڤ دۆستی عێراق و جیهانیان هه‌ژاند و ویستیان كه‌ سیمای شاری كه‌ركوكی دڵی كوردستان و شاری زێرینی كورد و بڕبڕه‌ی پشتی كورد به‌ زۆری زۆر داری بگۆرن و هه‌رچی بۆیان لوا دژ به‌ كورد له‌م شاره‌ كورده‌ ئه‌نجامیان داو به‌لام هه‌ر نه‌یان توانی كه‌به‌و نیازه‌گلاوه‌یان بگه‌ن و بتوانن كه‌ كه‌ركوكی دڵی كورد له‌ كورد بوونی خۆی دوور بكه‌نه‌وه‌ هه‌روه‌ك كه‌ بارزانی نه‌مر گوتویه‌تی شاری كه‌ركوك ئه‌گه‌ر كوردێكیشی تێدا نه‌هێلن ئه‌وا كه‌ركوك هه‌ر و هه‌ر شاری كورده‌ و دڵی كوردستانه، جا تازه به‌تازه‌ نۆكه‌رانی ده‌وله‌تی تورك راست ده‌بنه‌وه‌و ناوی كه‌ركوك و‌ هه‌ولێر و شاری موســــــــــلی كورد به (توركمه‌نستان) دادنێن و ناوێك ده‌بیننه‌وه‌ كه له‌مێژوو دا ناوێكی ئاوا له‌و ناوچه‌یه‌دا هه‌رگیز نه‌بووه و نه‌بیستراوه‌‌، پێم وایه‌ ئه‌و جۆره‌ بۆچونانه‌و دروست كردن و داتاشینی ئه‌و هه‌سته‌گلاوه‌ بۆ خۆی فیته‌ی شه‌رانگیزی و خیانه‌ت و له‌ نۆكه‌رایه‌تیش به‌ولاوه‌ هیچ شتێكی تری تێدا نیه‌و ئه‌و جۆره‌ كه‌سانه‌ش له‌ هه‌ر شوێن و جێگایه‌ك بن ته‌نیا خزمه‌ت به بێگانه‌ ده‌ره‌كیه‌كان ده‌كه‌ن و هه‌ڕگیز بۆشیان نالوێت كه‌ ئه‌و نیازه گلاوه‌یان په‌ره‌ پی بده‌ن و له‌ ئاكام دا ته‌نیا خۆیان زیانیان پێ ده‌گات و به‌هیچ ناگه‌ن و شه‌رمه‌زار ده‌بن.

ئه‌مرۆ گه‌لی كورد كه‌ هه‌لێكی بۆ هه‌لكه‌وتوه‌ ده‌بینین كه‌ داگیركه‌رانی كوردستان به‌ تایبه‌تی داگێركه‌ری تورك چۆن كه‌وتۆته‌ په‌له‌قاژه‌ و به‌ملاو ئه‌ولا دا ڕاده‌كه‌ن و كۆنه یارانی خۆیان كه‌ دژ به‌ كوردن ده‌دۆزنه‌وه‌و دژ به گه‌لی كورد هه‌نگاو داوێن و په‌یمانه تازه‌كانیان ده‌به‌ستنه‌وه‌، هه‌موو ئه‌و هه‌نگاو و بۆچونانه‌ی كه دوژمنانی كورد هه‌ولی بۆ ده‌ده‌ن زه‌نگێكی خه‌ته‌ر ناكه‌‌و ده‌بێ له‌ ناو دڵ و ده‌روونی هه‌موو كوردێكی دڵسۆز دا جێگه‌ی خۆی بگرێت و هه‌موو كوردێ بێنێته‌وه‌ به‌ر چاوی خۆی و باوه‌ڕ بكات و بلێ گه‌ل خۆ ئه‌گه‌ر له‌م رۆژگاره‌ی ئه‌مرۆ دا هه‌ولی هه‌موو داگیركه‌ران و ته‌واوی مه‌به‌سته‌كانیان وه‌ك رابوردو دیاره‌ بۆچیه‌و و چۆن دژایه‌تی هه‌موو مافێكی كورد ده‌كه‌ن و ئه‌وه‌بزانێت كه‌ ئه‌گه‌ركوردیش یه‌ك نه‌گرێت و ماڵی خۆی به‌ دڵسۆزی و ڕاستی بۆ كوردو كوردستان ڕێك نه‌خات ئه‌وا سه‌د له‌ سه‌د نیازه‌كانی دوژمنانی كورد وه‌دی دێت و دیسانه‌كه‌ كوردستانی ئازیزمان به‌ خاك و خوون ده‌كێشنه‌وه‌و ئه‌وسا هه‌موو كوردستانیشمان لهه كتس ده‌روا ت نه‌ك هه‌ر شاری كه‌ركوكی دڵی كوردستان له ده‌ست ده‌چێت و دۆسته‌كانیشمان پشت له گه‌لی كورد ده‌كه‌نه‌وه، ‌‌‌به‌لام یه‌گرتن و گیانبازی بۆ یه‌ك ئامانج و رێكخستنی ماڵی كورد بۆ كوردستان هه‌ول و خه‌باتی راسته‌قینه‌ی دوور له‌ هه‌ستی ته‌سكی حزبایه‌تی ‌‌و ‌قوربانی دانی هه‌ر بۆچوونێكی ته‌سكی حزبیمان‌ له‌ رێگه‌ی كوردستان دا ده‌توانێت كه به‌سه‌ر هه‌موو‌ و تواناو هه‌ست و هه‌ولێكی داگیركه‌ران زال بێت و هێچ هێزێ نكاری به‌سه‌ر هێزی یه‌ك گرتن دا سه‌ربكه‌ێت، جا با به‌ره‌و یه‌كبوونی هه‌میشه‌یی بڕۆین و به‌ یه‌كه‌وه‌ نیازه‌كانی هه‌موو دوژمن به‌ كورد و كوردستان له‌ناوبه‌رین و جه‌رگی داگێركه‌ران و هه‌موو نه‌یارانی كه ئه‌مرۆ وا دیسان ده‌ستیان به زمان درێژی و هه‌ولی له‌ ناو بردنی گه‌لی كورد كردۆته‌وه‌و ببڕین و به‌ یه‌كگرتنی راسته‌قینه‌ی كوردو كوردستان و هه‌ولی نه‌یارانی بۆر و ڕه‌ش و سوری دژ به‌ كورد له‌هه‌موو لایه‌كه‌وه‌ پووچ بكه‌ینه‌وه‌‌‌و زانایانه‌و ژیرانه‌و دڵسۆزانه‌ به‌گیانی یه‌كبوون كار بكه‌ین و به‌ره‌و ئامانجه پیرۆزه‌كانمان بڕۆین و نه‌یه‌لین ئه‌م هه‌ڵه‌ پیرۆزه‌و و شاره زێرینه‌كه‌مان كه‌ركوكی دڵی كوردستان له ده‌ست كورد ده‌ر بچێت و ئه‌و زه‌نگه‌ خه‌ته‌رناكانه‌ی وا نه‌یارانی كورد لێی ده‌ده‌ن به‌ كه‌می هه‌لنه‌گرین و دوژمنانی خۆمان به هێز نه‌كه‌ین، ئه‌گه‌ر په‌ند له‌ را بوردوو وه‌رنه‌گرین یه‌وا دیسان كاره‌ساته‌كان دێنه‌وه گژمان، وه‌ك شاعیری نه‌مرده‌شتی له‌ شیعرێكی دا له‌ باسی رۆژگارانی شێخ مه‌حمودی نه‌مر دا ده‌لێت :

مه‌ركه‌زی خاكی ســـــلێمانی خـیانه‌ت تێكی دا

خۆ به‌خۆهه‌رچی كه‌ هات و قووه‌ت و قه‌ولێكی دا

تاجی ئیستقلال بێ سـه‌رچوو چه نه‌فعێكی نه‌دا

چه‌ققه‌ لـوله‌و بابـه‌ڕۆ پشــتم شكا رۆژی نه‌ده‌م

12. 1. 2004