مةزاري سةربازي ون ... خالَة حةمة

له‌سه‌ر هه‌ر بسته‌ زه‌مینێ

له‌ژێر هه‌ر گه‌زه‌ ئاسمانێ

مه‌ترسه ‌! كه‌مێك سه‌رت داخه‌و

تاجه‌گوڵینه‌كه‌ت دانێ !.

* (په‌شێو)

به‌ڵێن بێ* (حاجی) بێمه‌وه‌

* (زمانی گڕ ده‌هێنمه‌وه‌)

ئه‌و شاعیره‌ باڵاكورته‌ی

شیعری شكان

بۆ ژه‌مێ نان. .

ئه‌و شاعیره‌ نابینایه‌ی

به‌ گۆچانی ده‌ستی سوڵتان

ئه‌نفال و

هه‌ڵه‌بجه‌و

گۆڕی وونی كوردی شێوان. .

به‌‌‌نه‌فره‌تكه‌م

فێری بكه‌م تاده‌توانێ

به‌ كوردستاندا بڕوانێ

هه‌نگاو هه‌نگاو ده‌شت ونشێو

لوتكه‌ی چیا

پشتی كووڕی گردو زۆزان. .

ئه‌و جێگه‌یه‌ پێشمه‌رگه‌ی وون

 (رۆح) و جه‌سته‌ی خۆی تیاداچان. .

نه‌باته‌وه‌ ژێر چه‌پۆكێ ده‌ستی شكان !!. .

فێری ده‌كه‌م هه‌موو شه‌وێ

دوای نیوه‌شه‌و

دوای ئه‌وكاته‌ی له‌ تاریكی سامی ده‌شكێ

خه‌و له‌ چاوانی ئه‌تۆرێ

گوێ رابگرێ

له‌ قرچه‌قرچی ئاگرو

له‌ هاژه‌ی رووباری شێت و

له‌ گڤه‌ی باڕه‌شی تووڕه‌و

نیشتمانێكی سوتاوو

ئاسمانێكی ره‌قتر له‌مس

كه‌ چۆن ده‌گرین بۆ (هه‌ڵه‌بجه) ‌و

بۆ* (شاره‌زور)

بۆ * (گه‌رمیان) ی ئه‌نفالكراو

پڕترله‌نوور . .

كه‌چۆن ده‌گرین بۆ* (بادینان)

بۆ * (بالیسان)

بۆ ئه‌م باشوره‌

بێنازه

بێ گه‌وره‌یه‌ !! . .

‌فێری ده‌كه‌م

له‌باڵه‌خانه‌ی شیعره‌وه‌

به‌رد نه‌گرێته‌ پاساریه‌كان

نه‌بێته‌ چاوساغی سوڵتان. .

ده‌ستی داو بێ

ووشه‌ی* (ساو) بێ

بۆ تێكدانی هێلانه‌كان. .

فێری ده‌كه‌م

له‌به‌ر ده‌روازه‌ی گشت شارێ

چه‌ند فرمێسكێ جێبهێڵێ. .

له‌ وێرانه‌ی به‌جێماوی گشت دێیه‌كدا

چاوبگێڕێ و

پشویه‌كبات

له‌به‌ر ده‌رگای گشت ماڵێكدا

كه‌مێ بێده‌نگ رابوه‌ستێ و

نوێژێ بكات

نه‌ك دایكێكی جگه‌رسووتاو

شۆڕه‌ژنێكی به‌رگ ره‌ش

شۆخه‌كچێك

وه‌ك (وه‌نه‌وشه‌)

مناڵێكی هه‌‌تیو. . شه‌رمن

سواڵكه‌رێكی چڵكن . . چڵمن

له‌و جێگایه‌

گوڵێ دانێ و

ناوی بنێ سه‌ربازی وون

سه‌ربازی وون. .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

1) (كۆپله‌یه‌ك له‌ شیعری سه‌ربازی وون) شاعیری گه‌وره‌و به‌هه‌‌ڵوێست، كوردپه‌روه‌ر حه‌زره‌تی عه‌بدولڵا په‌شێو ته‌مه‌نی درێژی بۆ ده‌خوازم.

2) (حاجی) حه‌زره‌تی حاجی قادری كۆیه‌ . درود له‌ گیانی نه‌مری كوردانه‌ی. .

3) (كۆپله‌یه‌ك له‌ شیعری ئه‌گه‌ر ئه‌مجاره‌ بێمه‌وه‌) حه‌زره‌تی عه‌بدولڵا په‌شێو.

4) (ساو) تیژایی ده‌می تیخ . . تیژكراو به‌ سا‌ن.

دانمارك/ڤالبی/11/10/2004

 

 بؤ ثةيوةندي لةطةلَ نووسةر:  xale1@ofir.dk

info@kurdistannet.org

ضاثيكة

كاتي بلآوكردنةوة 

www.kurdistannet.org

Hit Counter